由星皓電影投資、鄭保瑞執導，喺上映前9個月已決定出IMAX版2018賀歲片《西遊記女兒國》，大年初有得睇。

之前講過女兒國國王係大陸上位花旦趙麗穎，而梁詠琪(GiGi)演女兒國國師，國師喺《女兒國》肩負重任，除咗保護國王，面對唐僧四師徒臨境而掀動連串衝擊，GiGi都要演角色剛中藏柔，充滿變化。

GiGi覺得今次角色似媽咪，有一份使命要好好照顧國王，造型好特別，要做特效化妝，拍攝嗰陣要每日開工接近7個鐘上妝同落妝，又要著好重嘅戲服，搞到頸膊痛，不過GiGi認為辛苦都係值得，因為佢好鍾意呢個魔幻feel嘅造型。

此外，觀音就由大陸女星劉濤演，手持柳枝、淨瓶，講佢喺劇中引領困在情感中嘅唐僧馮紹峰，悟出另一境界，當馮紹峰遇上趙麗穎，喺愛與不去愛之間，亦有多場悲喜動人場面。