當年今日
關於我們

【車仔噩耗】夏薩特重傷 隨時休戰到下季季初

蘋果日報 2017/06/05 11:40

英國足球夏薩特車路士比利時受傷英超

車路士喺上季重奪英超冠軍,其中一個重要原因係夏薩特回勇踢出應有水準,不過夏神可能喺下季季初唔可以為車仔候命,佢喺日前為比利時國家隊備戰對捷克嘅比賽,操練時扭傷右腳足踝,傷勢嚴重估計要休戰兩至3個月。
經過檢查後,夏薩特足踝有出現骨裂情況,一般估計呢類傷勢要休養兩至3個月,即係話夏神有機會趕唔切喺8月12日開鑼嘅新一季英超。車路士上季英超成功封王,球員少受傷亦係重要因素,依家夏神率先可以要缺陣季初賽事,領隊干地肯定頭痕。