根據報道,今次受惠嘅人數接近40人,條數絕對唔平㗎。不過林書豪本來諗住低調㗎,但結果都係畀當地傳媒爆咗出嚟。今個球季人工有1,200萬美金、即係大約9,374萬港紙嘅林書豪話:「呢單嘢唔應該畀大家知囉,其實我舊年都有咁做。我只係諗住,特別對班新秀嚟講,喺新球隊開始果陣可以有套靚西裝著下咁啫。」林書豪嘅隊友D羅素(D'Angelo Russell)似乎就幾buy林書豪嘅呢一套嘞:「正呀喂,佢真係一個好隊友。佢咁樣做真係好好,唔容易㗎,我知一套咁嘅西裝要幾多錢,所以都好感激佢,我諗其他球員都係咁諗嘅!」