當年今日
關於我們

【差餉租值】銅鑼灣「老字號」不敵武肺 蛇王二生意瀉7成 上月勁蝕六位數

蘋果日報 2020/03/16 09:15

銅鑼灣波斯富街蛇王二差餉租值武漢肺炎

武漢肺炎來勢洶洶,旅客大減、港人為免受感染也足不出戶,原本人流如鯽的銅鑼灣現時猶如死城。在波斯富街屹立近40年的老字號蛇王二,經歷過沙士、金融海嘯及瘋狂加租潮的衝擊,但店長羅長熙坦言,今次武漢肺炎疫情是歷來「最難捱」,自農曆新年後,生意額較去年同期大跌7成,單是上月已錄得6位數虧蝕。疫情下人人自危,他形容銅鑼灣晚上8時過後,「好似打完八號風球咁,條街冇人,個個都唔敢出街」。

蛇王二80年代初已進駐波斯富街,以蛇羹和燒味飯馳名,最輝煌時期日賣1,800碗蛇羹。店長羅長熙曾經歷沙士、金融海嘯等「戰役」,也見證銅鑼灣昔日天價搶舖潮,令區內不少老字號粉麵店被金舖、鐘錶店及藥房取代,幸好蛇王二仍守得住。

不過,武漢肺炎襲港,旅客大減,人人自危,熙哥形容,今次武肺疫情係歷來「最難捱」,單是上個月已有6位數字的虧蝕,「今次真係好慘,成間舖可以一個客都冇。」農曆新年過後,該店生意額去比年同期大跌7成。

藍絲批評反送中運動拖累本港零售業,但熙哥坦言,武漢肺炎才是致命傷,直接衝擊本港各行各業,「舊年(反送中)活動都係少咗約三成左右(生意),今次(肺炎)真係好嚴重,因為疫情唔知幾時先完結。」各行各業也受武肺影響,部份已經放無薪假、減薪及裁員,預期會出現骨牌效應,「啲人避免中招都唔出街,被裁員減薪更加唔會出街消費……就算疫情完咗,啲人都唔會即刻出返來消費」。

武肺疫情在社區擴散,源於政府堅拒全面封關,熙哥坦言,政府不作為,令全港成為受害者,「搞成咁係特區政府辦事不力,責任一定喺政府度。」政府雖然有推出抗疫基金,熙哥估計也合資格申請,料可獲一筆過8萬元的資助,但慨嘆只是杯水車薪。

該店由上月開始,全部員工要9折出糧,「減薪一成睇吓點,唔想裁員,同大家共渡時艱」。他透露,蛇王二下月將租約期滿,正與業主商討租金,稱指幸好遇到良心業主,「舊年9月開始(業主)已減租15%,我哋都好感激佢,但新租約仲傾緊,要睇減幾多先知做唔做到落去。」

記者 譚靜雯

-----------------------------
【武漢肺炎】專頁
全民自救 抗疫資訊盡在《蘋果》
-----------------------------
無懼警暴 學懂自救
《抗暴之戰●法例須知》讀果 上架
empty
店長羅長熙坦言,今次武漢肺炎疫情是歷來「最難捱」,自農曆新年後,該店生意額較去年同期大跌7成,單是上月已錄得6位數虧蝕。何頴賢攝
empty
疫情下人人自危,他形容銅鑼灣晚上8時過後,「好似打完八號風球咁,條街冇人,個個都唔敢出街」。何頴賢攝