美國0靚界盛事第17屆TeenChoiceAwards，今日喺洛杉磯舉行頒獎典禮。電影方面，雖然《完美巨聲幫》（PitchPerfect2）共拎咗五個獎成為大贏家，攞咗最佳喜劇外，男主角SylarAstin同女主角安娜姬妲妮（AnnaKendrick）都齊齊攞最佳喜劇男女主角，安娜姬妲妮亦攞咗最令人吃驚以及同BrittanySnow一齊攞咗最具電影火花，但全個劇組只有男主角Sylar現身領獎。

至於全場焦點，反而落咗係拎咗兩個獎嘅《狂野時速7》（Furious7）度，《狂野時速7》不但最佳動作片，連保羅獲加（PaulWalker）都奪得最佳動作片男主角，已經撞車離世嘅佢，獲一班同戲演員代佢領獎，大銀幕度仲打出保羅個名，而雲狄素（VinDiesel）上台領獎時就話：「我唔會企係度領獎，如果冇咗某位對我哋非常非常重要嘅人，我哋人生最重要嘅一個祝福，就係有機會叫佢做兄弟，保羅獲加嘅精神與我哋同在。」

又介紹保羅個女話：「因為呢個係TeenChoiceAwards，其中一個喺觀眾席嘅細路已成為咗我哋家庭一部份，佢令我哋繼續前進，佢就係保羅個女Meadow！」

而於劇情片方面，嘉兒莫蕊茲（ChloeMoretz）則憑《如果我留下》（IfIStay）奪得最佳女主角。