將為人父的歌手蘇永康指不希望「為社會製造多一個造反嘅人，唔想生一個梁天恆，唔想生一個游蕙禎」。宣誓風波主角之一梁頌恆之後撰文反撃，感謝家人仍撐他之餘更指「雖然我無吸毒，但令媽咪終日憂心忡忡」，暗諷蘇永康曾因吸毒被判入看守所；梁今早再在facebook分享曾提港獨、立會九東落選人陳澤滔的文章抽水。不過，「幫港出聲」fb專頁就出post力撐蘇永康講得好，更大讚「相信他(蘇永康)說出了很多香港人的心聲」。

陳澤滔的文章指，「唔只蘇永康，大部分嘅香港人都唔希望自己嘅子女要經歷梁天琦梁頌恆游蕙禎所經歷嘅嘢，而呢個，亦都係我哋呢一代人要企出嚟嘅原因，你以為乖乖地唔出聲就無事？對你嚟講可能係嘅，但對你個仔嚟講呢？你真係咁肯定你可以控制佢諗乜？」。陳亦認為作為父母，對子女最好的準備並非儲錢給他/她，「而係創造一個社會，無論你有幾蠢，又或者有幾唔好彩，吸過毒、坐過監，有乜政治立場都好，都有一個公平嘅機會去生活去追尋佢哋嘅夢想，呢個就係我哋參與政治嘅原因，呢個就係我哋追求公平公義嘅原因，我相信梁天琦梁頌恆游蕙禎行出嚟嘅，正正就係因為佢哋唔想佢哋嘅下一代香港嘅下一代要行一條佢哋依家行緊嘅路」。

梁頌恆分享陳的文章，獲不少網民力撐，有網民更將蘇永康名曲之一《我發誓以後》的歌詞改成「我發誓以後，沒以後無盡頭，建制沒有收手，斥支那辱國應趕走，這發誓以後，暴政在我背後，這議席已失守，沒法治全敗走，連大法官都當做成木偶」，控訴不滿。