【好人好事 ● 動畫】機智找換店職員識破 救伯伯出電話騙局
找換店電話騙案筲箕灣道
中午12時20分,一名86歲老翁到筲箕灣道341號一間找換店匯款,女職員察覺可疑,了解下原來伯伯接到電話,指女婿急需2萬元應急,並要求他立即匯款到內地指定戶口。女職員懷疑老翁遇電話騙徒,於是拖延時間,一方面拒絕伯伯,着他到毗鄰同一集團下的找換店匯款,實則代為聯絡家人,最終經伯伯家人確定是電話騙案,致電報警,伯伯得保不失。
兩名醒目找換店職員,分別是黃小姐和呂先生,他們坦言騙案太多,會特別留意長者匯款情況,提醒他們避免受騙。黃小姐指「年紀咁大,仲有女婿同佢借錢,借2萬蚊」令她起疑,於是仔細問伯伯「你個女呢?屋企人知唔知?」但伯伯表示獨居,而且甚為心急,只想盡快匯款。
黃小姐續說:「年紀大,會比較關心,叫佢打個電話問清楚。我哋雖然係做生意,但都唔可以咁樣,睇清楚,到底啲人係咪俾人呃,還是真有需要,依家咁多騙案。」黃小姐於是打發伯伯到毗鄰找換店,實則該店是同一集團,好讓她拖延時間。
而毗鄰找換店的呂經理,得悉事件也作相應配合。「收咗錢先,諗辦法拖延,再聯絡伯伯屋企人,聯絡到叫佢女兒嚟接走。」其間騙徒不斷來電,催促伯伯「快D攞番錢,去另一間再滙過!」呂於是報警。
呂經理說,平均一個月幾宗類似騙案,他和職員也會提高警覺,「特別係長者,睇下當時人急唔急,醫病、買樓、公安通緝,都係類似理由」,今次歹徒是由一個香港電話來電,要求匯款到深圳,伯伯覺得對方把聲似女婿,堅持要匯款。
呂指出,受害人都有「心急」這個共通點,「冇計,佢堅持要滙,阻止唔到。永遠都係,(當事人)一見差人就突然醒左。」他指,老人家「幾十萬,成副棺材本」一定會盡力提醒他們以免受騙。
想睇最新消息? 即時follow
【現場-蘋果突發】 fb! http://fb.com/applecitycrime