昔日喺球場上嘅敵人，今日做咗同事，仍然繼續針鋒相對，但就由以前嗰種有你冇我嘅宿敵關係，變得更似一對歡喜冤家，講緊嘅係加歷查同埋加利尼維利。

話說佢兩個又「耍花槍」，加利佬喺Twitter上提加歷查：「加歷查要著加利尼維利嘅曼聯波衫一日，因為他打賭荷西保連奴一季可以喺英超入15球，不過輸咗！」歷查都係真漢子，諗住找數，佢回應：「加利佬，送件波衫嚟，我唔想攞喺我睡房裱起嗰件。話時話，我係講一季15球，唔係只係計英超呀！」

保連奴成季各項賽事，加埋國家隊其實都係入得嗰1球，其實佢之前一季喺英超都係入得6球，唔知歷查點解對佢咁有信心呢？傳聞呢位巴西中場會轉戰中超，話唔定佢喺中超有機會一季入15球嘅...