早排宣佈甩拖嘅韓劇《繼承者們》男星金宇彬,雖然愛情失意,但事業一帆風順,最新搞作就係同劇集《你們被包圍了》女星高雅娜拍咗個薄餅廣告。
呢間連鎖薄餅店專門搵紅人做代言人,之前搵過秀智BB、金秀賢、韓藝瑟等等,證明金宇彬同高雅娜真係掂呀!不過完整廣告今個星期五(13號)先有得睇,唯有睇住佢哋搭晒膊頭嘅相頂住癮先啦。
講開高雅娜,佢同韓國女歌手BoA一向friend底,BoA就喺Instagram放咗幾張佢哋兩個攬頭攬頸嘅相,BoA仲幫高雅娜套劇做宣傳,話「高雅拉被包圍了!」叫大家要捧場睇《你們被包圍了》,真係識做。