【韓國電視劇節】《太陽》得作品獎 金素妍撼贏宋仲基得大獎
金素妍韓國電視劇節
第9屆韓國電視劇節頒獎禮今日舉行,頭先行紅地毯上嘅明星唔算好多,只有安宰賢、金素妍、白珍熙等,而有份競逐演技大獎嘅男神宋仲基都唔見影。
而頒獎禮就準時喺韓國時間下午5點舉行,當中先後頒發多個獎項,有行紅地毯嘅金素妍最終撼贏宋仲基奪演技大獎,佢拿獎時喜極而泣,同時佢仲奪得年度明星獎,可謂雙喜臨門。而神劇《太陽的後裔》就得作品獎以及趙在允得男子優秀獎。
男子最優秀獎:安宰賢《灰姑娘與四騎士》、張鉉誠《Doctors》
最佳O.S.T獎:仁順伊《曾如此美麗》(劇集:《母親》)