朱璇早前與好姊妹陳爽、翁佳妮去泰國華欣反曼谷旅遊，三人起行前特別買了十多件鬆身裙及泳衣，增添旅遊樂趣，此行除了吃喝玩樂外，朱璇還去拜佛求姻緣，她說：「爽爽結咗婚，翁佳妮有男友，所以我要求姻緣，希望30歲前搵到男友。」朱璇承認有追求者，但不合眼緣的都不會應約，笑言不容易給人機會，問到是否貪靚仔？她笑言：「少少啦！不過首要條件都係要溝通到。」

大呻冇艷遇

到達泰國，朱璇、陳爽和翁佳妮都拋開束縛，在酒店泳池穿上三點式泳衣擺甫士影靚相，問到可有艷遇？朱璇笑言：「唉，梗係冇啦，稍為靚仔啲嘅都好女性化，酒店仲要唔多人住，只係食早餐至見到有人咋。」朱璇坦言在香港不敢太性感，始終壓力較大，稍為性感會覺得被人望住，是以今次可放鬆心情享受。會否去外國的天體沙灘或無上裝沙灘試試大解放？朱璇斷言不會：「啲人冇上裝都係為咗曬太陽冇印，我哋都唔鍾意曬太陽，冇咁嘅必要，始終都係冇安全感。」

此外，朱璇昨日到鰂魚涌跟外籍啤酒專家學斟啤酒，獲頒證書及獎牌後的她笑言可以轉行。原來朱璇閒時都會跟好姊妹在家把酒談心，問到她喝醉會有甚麼反應，朱璇說：「我好有自制能力，咁大個女未試過醉，都想30歲前試吓醉嘅感覺。」
採訪、攝影：胡比

逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！

有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange