一場武漢肺炎，令全世界風雲色變，人與人嘅接觸近乎零，體育界自然不能倖免，足、藍球全面停擺咁滯，英超係最受香港人歡迎嘅足球比賽。

利物浦今季帶到甩晒，呢支勁旅自從英國最高級別足球聯賽改名為英超後都未贏過冠軍，今季諗住坐定粒六。

點知一場武漢肺炎，就算只係距首奪英超冠軍只係一步之遙都要hold住。

同樣情況其實亦適用喺香港馬圈，香港馬會憑住強勁執行力，眾志成城全力防疫下繼續可以馬照跑，真係要畀個like馬會。

但邊個都唔知聽日會發生咩事，依家季尾階段冠軍騎練鬥得好激烈，到底雷神定潘頓贏，姚本輝同呂健威又會邊個笑到最後，可能要鬥到煞科先分到勝負。

但萬一跑馬突然煞停呢？又有冇機制決定到最後冠軍誰屬？

《蘋果》記者問過馬會，馬會回應現在上下一心希望馬照跑，不便回答這些假設性問題。

明嘅明嘅，不過提問係記者嘅天職，相信馬迷都希望今季可以順利過渡，送上利物浦隊歌You'll Never Walk Alone畀馬會，全港馬迷都撐你。

--------------------------
【馬上看經典】因太勤力被殺稿！血統專家老棟 幾乎要拎綜援過活
即睇今期《馬上看經典》
--------------------------
馬匹賽績、騎練數據、名家貼士
【最強贏錢武器 盡在蘋果馬網】
刨馬撳呢度
--------------------------
《果GYM》隨身播 　健身壹App過！
一按即玩