【更新：新增短片】
港大校委會日前要求審核委員會再提交法律學系副教授戴耀廷捐款風波的報告，據悉有建制派校委要求審核委員會釐清戴是否要負責或受處分，被指想借事件「煮死」戴耀廷。星島新聞集團主席何柱國則批評有些校長邀請佔中發起人到學校「講嘢、演講」，是慫恿不合法行為，「你（校長）明知佢哋叫啲人出嚟佔中」。

何柱國又指家長送子女去學校讀書，是希望他們成材，而非教他們「喺街邊打爛仔交」，斥責有些校長「個腦都唔知喺邊，我希望佢哋朝頭早起身照吓塊鏡」，要反省和檢討。