日期：2月4日至3月31日
星期一至五：5:30pm-11:00pm
星期六及日：2:30pm-11:00pm
地點：西九龍海旁，柯士甸道西（九龍站A出口對面）
票價：$165（包括$35入場費及飛行紀念證書）
備註：2月8日開始，熱氣球附近海旁將設置更多小食及小朋友遊戲攤位，各位可付$35入場費參觀遊玩。
查詢：28699599
氣球駕訓班網址：www.abovechinaballoons.com

記得03年中秋，維園都有熱氣球升空，雖然下着毛毛雨，排隊人龍依然見首不見尾，今次的升空之旅由中國熱氣球公司所辦，選址西九龍海旁眺望維港，比上次俯瞰銅鑼灣鬧市更有睇頭。

坐熱氣球，維港上空俯瞰未來文化地標西九龍，以及維港夜景就最夠應景貼題。去年維園有熱氣球看年宵，今年就有中國熱汽球，請來一級駕駛員及技術人員，帶大家在西九龍海旁120呎上空，感受高空俯瞰維港的超凡快感。
升空一次，連基本講解課約30分鐘，在空中逗留時間約為8-10分鐘。要注意的是，因為要爬上爬落，女士們穿裙子當然要特別小心，而更重要的就是避免穿上高跟鞋，免得踩到藤籃絆倒發生危險。籃子上附有望遠鏡及攝錄機，將大家高空興奮失控的模樣拍成DVD，並在地下大電視「現場直播」。所以，想拍得靚，就記住要笑多啲喇！
另外，如有興趣，還可以參加中國熱汽球留港期間所辦的熱氣球駕訓班，學習如何駕駛熱氣球，收費$68,000。（冇錯！係6萬8！）

年初三農曆新年賽馬日，殺入馬場發橫財之外，坐坐價值六千萬的「夢幻飛天」金鑽馬車，更富貴。金鑽馬車由280公斤黃金鑄造，歐陸風情的神像雕刻與純白駿馬上，鑲滿了超過百萬粒鑽石及寶石，望得耐都覺燦眼。各位只要捐出$20，就可以在馬車座席上，擺個囂張樣任影唔嬲。慈善收益捐予公益金。
另外還有一隻身價120萬的鑽石金雞，以及730萬至尊金風車，給入場人士任摸任影。金雞由重3.9公斤的黃金、超過800卡鑽石及寶石鑲嵌而成，形態神氣；金風車就由37.8公斤黃金、2,680枚寶石鑄造，摸過金雞轉過金風車，自然橫財就手！

新年首個賽馬日，傳統鼓樂與醒獅少不得，女子組合女子十二樂坊亦會到場，演奏最新樂曲助興。而楊天命則在「智易表工作坊」，教授觀眾增強財運的方法，以及講述各生肖雞年運程。而入場時各位更可得刮刮卡乙張，刮中更可能免費到火車站平台的「賀歲民藝坊」參與攤位活動。

日期：2月11日（年初三）
時間：11:00am-6:00pm
「夢幻飛天」金鑽馬車
位置：公眾席前台廣場
「鑽石金雞天天報喜」
位置：沙田馬場火車站平台
「至尊金風車一觸即發」
位置：沙田馬場火車站平台
入場費：$10（入場人士必須滿18歲）

位置：沙田馬場火車站平台
時間：第一及第四場賽事之間（1:00pm-2:30pm）
查詢：1817
網址：www.hkjc.com

新正頭坐過熱氣球，步步高陞；年初三又坐過金碧輝煌的金鑽馬車沾完財氣，貴氣豪情都試過晒，但就欠一點浪漫感覺。
緊接年初四「接神」吉日，年初六情人節又緊接而來，大家還可以到時代廣場，捐$20給公益金，就可坐上由兩隻小天使帶領的灰姑娘南瓜車，發個純純的童話出嫁夢，直上商場兜埋桃花運，將姻緣運谷到行，也許可以應節接個愛神回家呢！

日期：2月12-14日
時間：12:00nn-6:00pm
地點：時代廣場露天廣場鐘樓前