【開騷多是非】濱崎步巡演遇音響問題 臨時cut歌惹樂迷不滿
演唱會濱崎步
濱崎步上周五喺大阪嘅演出,因為臨時縮短,佢又冇為事件致歉或解釋,惹來樂迷不滿。
步姐日前因服裝有旭日旗圖案,即被韓國網民鬧爆,佢要將圖案打格處理。
日本女歌手濱崎步正展開巡演《Just the beginning -20- TOUR 2017》,不過步姐今次開騷引起唔少是非,先係日前上載開騷片段,入面佢服裝有似旭日旗圖案,即被韓國網民鬧爆,佢需要將片段旭日旗打格處理,以平息風波,日前佢又因音響出現問題,令個唱突然縮短,歌迷不滿步姐冇為演唱會失誤道歉,紛紛喺網上留言鬧爆。
步姐上周五喺大阪開騷,不過因為音響出現問題,導致其個唱延遲咗一個鐘先開始,但係演出並冇因此延長,步姐最後cut走咗幾首歌冇唱,包括三首新歌。有唔少歌迷不滿自己支付同樣價錢嘅門票,但睇嘅演出卻短咗,步姐亦冇道歉或解釋,紛紛喺步姐Instagram留言以示不滿。
更多娛聞,喺晒《娛果》
http://fb.com/appledailyent