【韓流】韓歌手25歲Iron涉暴打女友 遭求刑1年
Iron
現年25歲嘅韓國Hip hop歌手Iron去年4月因吸食大麻被判8個月有期徒刑兼罰款,不過唔夠一年佢再爆出醜聞,有指佢今年3月涉暴打女友被起訴,令粉絲大感失望。
案情指Iron同女友發生性行為時,疑因女方唔能夠滿足要求而毆打女友臉部,其後女友向佢提出分手,Iron再次暴打女友致女方臉部受傷及左手尾指骨折,及後Iron否認指控,反指女友本身係「性受虐」愛好者,又強調自己唔會對女性使用暴力。
Iron被起訴傷害他人身體及威脅,案件今日於首爾中央地方法院續審,Iron亦有上庭為自己辯護。Iron否認所有控罪,表示自己冇暴打或威脅女友,強調係發生性行為途中女友要求性虐,除此之外從未有暴打對方。不過檢方就認為Iron唔肯承認自己嘅罪行,而受害人亦唔想同Iron和解,所以要求法院判處Iron 1年嘅有期徒刑,案件將於下月20號判刑。