【睇嫩男直播】39歲阿嬌烏龍百出：用咗2萬蚊買禮物支持吓
蘋果日報 2020/03/31 17:34
阿嬌鍾欣潼課金余衍隆
39歲圈中小富婆鍾欣潼（阿嬌）早前由大馬回港，接受強制隔離，獨留家中相當寂寞，她走去睇直播解悶，更化身直播間豪客，傳出一晚豪擲6萬蚊打賞貌似陳冠希的大陸男星余衍隆，只為點唱兩首歌，引起不少網民關注。
對於被指花錢上網睇靚仔，阿嬌今日回覆說：「我有留意抖音好多個網紅嘅，噚日係我第一次送禮物，而且係用人哋賬戶玩，呢個賬戶裏面都冇六萬蚊，所以冇可能送咗六萬蚊嘢，而且唔係送畀一個人，而係送畀幾個人，有男有女。」
阿嬌笑言只用了兩萬元人民幣買禮物支持一下：「其間有一位藝人問我點解唔送禮物，因為送禮物嘅意義係可以幫助佢哋PK獲勝，所以就用咗兩萬蚊買禮物支持吓，因為我噚日係第一次送禮物，估不到就上咗新聞，我仲烏龍百出，唔單只送錯禮物，對方又PK亦輸咗。」
