由「收視福將」徐玄振夥拍男星楊世鍾主演嘅SBS新劇《愛情的溫度》，開播以嚟一直穩坐收視冠軍，噚晚播出嘅第17、18集中，兩位主角終於唔再玩曖昧，確認心意並多次甜蜜咀嘴。不過今次卻咀唔起收視，兩集收視分別為6.8%及7.9%，比之前兩集跌咗2.0%及2.4%，退居亞軍。

而鄭麗媛主演嘅KBS新劇《魔女的法庭》上周首播就有唔錯嘅成績，噚晚播出嘅第3集更反超前《愛情的溫度》，以9.1%收視率成為同時段收視冠軍；至於韓藝瑟、金基石主演嘅MBC新劇《20世紀少男少女》，噚晚播出嘅第5、6集以3.2%及3.5%收視率繼續包尾墊底。