當年今日
關於我們

隔牆有耳:王征想賣股份 冇人敢埋身 - 李八方

蘋果日報 2011/08/10 00:00


亞視大股東王征被視為報道老江「死訊」嘅關鍵人物,廣管局都開快勞查呢單嘢;八方聽到個來自北京嘅消息,指王征好似想沽出部份亞視股份。王征入股亞視唔係太長時間,股權爭議不斷,係咪真係拎得起、放得低,耐人尋味。
王征入主亞視之初,搵來唔少內地大企業幫佢站台,以示後台硬淨,但自報道江澤民「死訊」後,舊時稱兄道弟者都唔敢埋身,有人指如果得罪咗上海幫、太子黨,好難有運行,王征打造「亞洲CNN」夢想,唔知幾時成真。
自言只係亞視「義工」,唔過問新聞部運作嘅王征,其實對做新聞可能好有興趣,八方收到風,王征可能會以團長身份,帶領新聞聯考察團到新疆,今個星期五出發,團中有本地傳媒高層、記者,唔知王征會唔會親自出馬,採訪接見考察團嘅黨委副書記車俊?