金管局管銀行，照計賓卡買佢怕，但任志剛昨晚在北京臨時召集隨銀行公會訪京的記者，講本港加息半厘的意見。任總話美國聯儲局加息0.25厘實屬意料中事，但部份香港銀行加半厘，則屬意料之外。有火藥味啫。
世事真係變得快，唔係好耐前任總至出招迫銀行加息，而家銀行玩番轉頭，一於超加，又到金管局頭痛。
任總說自從利率協議取消，銀行有自由決定利率水平，在自由競爭的情况下，存戶及借款人均有機會獲益。不過，就最近兩、三次的加息行動而言，佢認為，「部份銀行是追加，有些甚至是超加」，希望銀行不會畀人覺得競逐加息。
任志剛透露，今次加息前，有銀行問他對於加半厘的意見，他話希望銀行在「加多啲息」時，同時考慮對經濟及金融市場的負面影響。語氣都好重。
佢又說部份銀行加半厘，可能希望保障在存款市場佔有率，至於銀行兩個月內加息1厘，任志剛認為短期內對樓市會有一定的影響。