【本報訊】由52幢住宅樓宇組成的沙田第一城，為區內最大型住宅項目，但屋苑內兩座商場均由首富李嘉誠旗下集團管理，買電器幾乎只能選豐澤，個人護理只好找屈臣氏，超級市場亦僅有百佳。面對集團式壟斷，要罷買反霸權，居民各出奇謀，孤島求生殊不簡單。
自2009年商場翻新後，原有兩間百佳合二為一「冇得揀」。附近其他超市，要數富豪花園的華潤萬家，或者是博康村的惠康，但兩者均需步行至少五至十多分鐘，炎炎夏日遠不如自家樓下方便舒適，居民無奈「袋住先」，惟最終忍無可忍發起罷買抗爭。

翻新後加租趕絕小店

要脫離霸權，居民只好從小店入手。陳小姐表示，自己買餸煮飯都會盡量光顧街市，即使同為置富管理，但不是集團連鎖式經營，雖然價錢不一定較便宜，但「點都好過去百佳」。她又會選擇到附近藥房購買日用品，「而家藥房乜都有，好方便」，但承認某些外國進口牌子則需要到百佳入貨。有居民亦指，除必需品外，寧願選擇坐車到市中心購物。
1981年起入伙的沙田第一城，提供逾萬個單位，據統計署2011年人口普查顯示，第一城人口有近2萬5千人。屋苑內有兩座商場，現均為長江實業旗下置富產業信託管理。2010年原「銀城商場」翻新為「置富第一城‧樂薈」後，被指大幅加租趕絕小商戶，各連鎖品牌紛紛進駐，令居民選擇大大減少。