韓國神劇《太陽的後裔》嘅宋仲基同宋慧喬去年10月31號舉行世紀婚禮，兩人婚後唔使再避忌，不時結伴出巡，甜蜜滿瀉。

喬妹噚日自婚後首度喺韓國蒲頭，現身代言嘅護膚品牌嘅宣傳活動，喬妹喺現場十分風騷，不時派心心。而喬妹完成工作後，即飛撲會合老公宋仲基，兩人更喺梨泰院烤肉店約會。

有網民成功喺烤肉店拍得二人撐枱腳，雖然只得背影，但一睇就知係雙宋，當中喬妹身上穿上類似出席活動時嘅粉紅色裝束，而宋仲基則着上佢平日最愛嘅灰色上衣及帽子，二人好不甜蜜。

更多韓流，喺晒《娛果》
http://fb.com/appledailyent