11.24光復區選後,民主派來勢洶洶,冀在9月立法會選舉取得半數議席取得主導權。春未盡,夏已來,上任逾1個月的國務院港澳辦主任夏寶龍無懼疫情,近日首度南下,與建制派商討立法會選舉部署,民主派議員毛孟靜相信,北京政府稍後將透過特區政府設法DQ民主派參選人,並以加碼「蛇齋餅糉」及透過派「隱形建制派」扮民主派參選,打擊民主派選情,「希望大家真係擦亮眼睛睇清楚,嚟緊嘅立法會選舉可能係香港嘅最後一役,如果民主派仍然不能過半,或者同建制派議席數量差距好大,香港人將會係自掘墳墓」。
毛並指,夏寶龍南下的消息,與林鄭被爆在中央抗疫工作報告方向相符,即林鄭透過抗疫工作為建制派營造利好選舉氣氛,「中共一向面對任何選舉,都要預先知道選舉結果,但上次區選佢哋真係計錯數,所以今次(立法會選舉)就採取必不可失嘅態度」。
她強調事件再次反映北京政府試圖干預香港內部事務,做法明顯違反《基本法》。
記者 林俊謙