喺灣仔舉行嘅香港鞋款設計比賽，就搵嚟何國鉦（Dorian）做頒獎嘉賓，為咗支持本地嘅創作，嚟緊幾日Dorian都會現身香港時裝周嘅活動。

因為舊年年尾忙住做嘢，所以Dorian趁下月農曆新年假期，相約好友鄺美雲（Cally）到泰國曼谷旅遊，問到Cally嘅男友會唔會同行？Dorian話：「會呀，一齊去玩5、6日，去食嘢同曬太陽，不過今次去會小心啲，因為上次畀人影咗，仲要係同Cally男友着住泳褲喺泳池，好彩Cally嗰時喺酒店房，今次會搵啲私隱度高啲嘅酒店。」