其實林鄭上月底出席行政會議前見記者時仲有戴政府嘅「底褲口罩」,仲話底褲口罩「麻麻哋」,埋怨可能係因為洗得多「鬆咗」,點知噚日佢現身行政會議前記者會,就唔知根據乜嘢科學邏輯,竟然喺「武肺之下,除罩見人」。八方現場所見,林鄭現身行會時,隨行嘅全部G4、新聞處官員,以至在場記者都有戴口罩,全場唯一唔戴嘅,就只有林鄭一個,今次佢又係獨排眾議唔戴口罩見記者。
其實林鄭自2月中以來,經常被網民質疑根本連正確戴罩嘅方法都唔識,但大家點都估唔到,負責領導抗疫督導委員會暨指揮中心嘅佢,呢日竟然其身不正,連口罩都唔再戴。莫非佢真係好似中共推動國安法咁,現時已經唔介意人哋點講,佢鍾意戴就戴,唔戴就唔戴?咁又點叫市民唔好放鬆抗疫呢?
李八方