這次同nowSports攝製隊到烏克蘭頓涅茨克的頓巴斯球場，現場評述烏克蘭對法國D組大戰，竟遇上大雷雨令比賽要延遲50分鐘。以為是「貴人出門招風雨」，但同行拍檔高志超（上圖左）自爆是「地獄黑仔王」，入行首次講波便遇上衞星訊號中斷12分鐘！這次亦是他首次現場評述大賽，又黑氣迫人！
到埗後一直以為自己到了「火燄山」，因頓涅茨克這裏天天驕陽似火，平均氣溫攝氏32度以上，根本沒想過會有大雷雨。進場前陽光普照，場外還有liveband演奏，氣氛一流。豈料奏國歌時，大片烏雲突然來襲，登時狂風暴雨。在講波廂上空一條條雷電清晰可見，場內混身濕透的球員其實都幾危險！結果荷蘭籍球證古柏斯開賽數分鐘，便無奈暫停比賽。

大會應變快即刺穿草皮

其實在球證示意球員返回通道後，全場球迷high爆，冒雨在觀眾席上又唱又跳，雙方球迷更突然friend咗，拿着各自國旗擁作一團搭膊頭玩火車，氣氛仲好過睇比賽！
在此亦要稱讚大會的應變措施，除了有職員立即在講波廂派發雨衣及透明帳篷遮住地面的器具，雨勢減弱後亦即有員工走出草地，以鐵叉及刺草車刺穿草皮協助去水，令比賽可以順利重開。