世界網球壇嚟到尾聲，「丹麥甜心」禾絲妮雅琪同伊娃諾域趁住有時間，到英國紐伯里出席當地嘅賽馬日。身高6呎嘅禾琪，同埋5呎10吋高嘅伊娃，喺世界女子網壇中，唔算特別高嘅球手，更高嘅女將亦有，但兩大美女同一班騎師拍住一齊合照，咁就出現一個奇趣鏡頭，其中最矮嘅一位騎師，只到「丹麥甜心」膊頭位，兩位美女頓時變咗巨人。