當年今日
關於我們

胡定欣黃金十年

蘋果日報 2013/09/27 05:20


作為女演員,一姐之位有誰不想高攀?別人也總喜歡為演員安上第幾線來定她們的價值。但對胡定欣來說,她根本不在乎排第幾線,只在乎觀眾眼中的胡定欣是誰。早前播完的無綫劇《衝上雲霄II》,剛好見證胡定欣加入娛圈十年的蛻變,歲月磨練令她由閒角當上女配角,成績總算有目共睹。
撰文:卓寶花
回顧入行十年,胡定欣百感交集,當年還是一臉稚氣,加入無綫拍劇,首個劇集就是《衝上雲霄》;今年入行十周年,在《衝II》再演CoCo,劇集叫好叫座,定欣淡淡然說:「以前演戲有好多懶音,經過咁多年點都有進步,連自己睇番兩輯《衝》劇比較,覺得定欣長大成熟咗。」

慶幸廣結人緣

做藝人最有滿足感,除了是成績及獎項外,觀眾真正認同才是最直接的強心針,正如劇集播出後的民意反應,不論是好是壞,都反映了有捧場客,近日定欣發覺自己廣結人緣:「套劇本身受歡迎,我個角色有爭議性,發現劇集出街之後,我得到最多嘅係人緣。」
定欣花十年經營事業,建立形象,去年憑《拳王》飾演啞女獲得無綫萬千星輝頒獎典禮最佳女配角獎,最近在新劇《貓屎媽媽》和《食為奴》,漸漸邁向一線花旦之位,定欣說:「唔想將位置同角色質素拉埋嚟諗,有時配角可能發揮仲大,好多傳媒問我仲係二線或者未係擔正,會唔會唔開心?呢個問題我唔想再考究,不如大家唔好將我刻意定喺乜嘢線,睇番胡定欣表現成點,乜嘢線同表現係兩回事,呢條線其實好死,你心目中覺得我係女主角就夠,好過畀啲乜嘢線我,我表現唔到。」
經驗和時間累積,令胡定欣捉到方向,體會到觀眾緣十分重要,但她卻有別於其他女藝人,十年內演的角色都偏向不討好,她說:「通常起步係做入屋角色,但我一早已經做晒唔討好角色,《巾幗梟雄之義海豪情》個衰女包啦、《銀樓金粉》都係有發揮嘅奸角,一係唔做,一做就要做最奸,但CoCo角色出街後,又有人想睇我做反派,要不斷令自己轉型。」
髮型:Matt Chiu of Xenter
化妝:Jessica Chan
服裝:Izzue Collection
場地提供:RedMR紅人派對(皇室堡)
逢周五隨《蘋果日報》附送嘅時尚美容雜誌《add》雖然早已派完;
拎唔到書嘅朋友,可以上番《add》嘅官網 http://add.appledaily.com 睇番足本網上版,除咗有專訪外,仲有好多時裝靚嘢睇!