聲稱係蔣介石生前佩戴過、背面刻有「特壹」嘅青天白日勳章（圖），本周五喺本港拍賣，拍賣商斯賓克（香港）為其估價約值300至500萬，佢哋噚日請嚟專家祝康明，反駁之前台灣國防部話呢個勳章可能係偽造嘅講法。
祝康明話國防部對勳章認識太少，209枚青天白日勳章中只得蔣公嗰枚冇編號，堅稱家喺大溪蔣公陵寢入面陪葬嘅青天白日勳章，係蔣公死後新造，編號係好後期嘅200幾號，一定冇刻到「特壹」呢兩個字；台灣國軍歷史文物館展出嗰兩枚，直情製造年份都有問題。佢話10幾年前去過蔣家後人屋企，親眼見過「特壹」勳章，之後點流出嚟就唔知喇。