鬼節搞乜鬼?
Sheila(會計)
「乜今晚係鬼節呀!我都唔知㖭!中國人咁信邪,邊度會有人專登走去鬼屋撞鬼,我梗係唔會咁做啦!今晚放咗工應該會返屋企,始終屋企都較為傳統,唔會搞咁多嘢!」
Zoe(服務員)
「咁啱今晚輪到我返夜更,所以無諗過今晚做乜。若果唔使返工的話,我諗我會租一大堆鬼片返屋企慢慢睇,當係應吓鬼節嘛!(乜你好似過萬勝節咁?)我諗我行得正企得正,又無得罪人或者鬼,應該唔怕!」
Barbara(公關)
「今晚咪去蘭桂坊撞『鬼』囉!夠應節啩!其實今晚有朋友生日,所以先落蘭桂坊玩。
(乜鬼節生日呀?)係啦!我都覺得我朋友邪呀,撞正七月十四生日,今晚一於笑吓佢先。」
Sharon(客戶主任)
「平時鬼節都有幫媽咪燒街衣,我都唔會點驚,不過行街時會小心啲,媽咪話行街踩中路邊燒完的衣紙,會得罪啲鬼,所以我呢幾日行街都特別小心。」