童愛玲今日到灣仔慈慧幼苗中心錄影ViuTV節目《超級奶爸》，童愛玲兒子已經14歲，佢同大家分享對管教小朋友觀念同重要性，呢位靚媽思想都好貼地。

童愛玲近年看到不少社會新聞，關注青少年情緒問題，囝囝依家已經係青少年，佢話：「我會擔心阿仔情緒、行為問題，多於社會上學校著重學生功課壓力，成績好唔好，價值觀、古老道德觀念學校畀唔畀到正確資訊學生呢？」童愛玲覺得呢方面係缺乏，認為現今社會行為同品德唔及以前咁重視，自己要諗方法做好啲。

童愛玲好幸運阿仔遇到開心與唔開心都會同佢分享，但有時自己都幫唔到手，例如同朋友、同學一啲相處問題。童愛玲話：「我性格好強，希望將自己一套擺喺阿仔身上，但近年會同佢溝通，叫佢要學識思考別人，同理心好重要。」仲指阿仔性格唔太醒目，比較單純，依家教導方法係要令佢思考，好個直接話佢唔啱，因為阿仔未必會感受到。