鐵人有好多買咗日版XBOX嘅朋友，都同我埋怨話日版XBOX現時對應嘅遊戲實在太少，而且好多人氣度極高嘅一級正Game，都只係得美國版，而日本版方面，就連推出日期都未定到，搞到大家都有愈玩愈灰心嘅感覺！
不過最近據歐洲嘅行家透露，能夠解破美、日、歐版遊戲嘅全能晶片已經研製成功，如果有咗佢就乜嘢Game都玩到啦！傳聞佢重可能有埋全區碼DVD功能，不過呢個資料就有待進一步證實，預計晶片連改機費用約為80美元（約港幣$600）。