【留台拍劇4個月】姜濤唔介意辣妹做主動 林秀怡停工一年終解凍
蘋果日報 2020/07/10 22:02
辣妹林秀怡姜濤
- 姜濤表示月中將出發到台灣拍劇，將會於當地逗留4個月。
- 對於台灣出名多辣妹，姜濤笑言不怕對方主動。
- 姜濤指台灣多美食，擔心自己在當地會變肥，冇人認得自己。
- 林秀怡「被」停工一年，最近終於解凍。
- 同場仲有陳嘉桓
姜濤、林秀怡和蔚雨芯等人今晚在荃灣出席保健用品品牌的周年晚宴。去年疑因在社交平台為社會運動發表意見後，被大台「冷藏」的林秀怡，已有一年沒工作，最近疑成功「解凍」，將會主持新節目。林秀怡澄清跟還有4、5年合約，在沒有工作期間自己積極營商，創立網上生意，又代理產品，以及兼營食店，更表示希望做珍珠奶茶生意，問到之後是否較少做演藝工作？林秀怡說：「唔係，我仲有好耐約，大家以為我走咗？」至於沒工作期間，她並沒有追問公司，為何工作分配得不平均，林秀怡樂觀地想：「我冇問，可能咁啱唔好彩冇嘢做，冇嘢做嘅時候做吓自己嘢。公司太多靚女多競爭，肯要我已經好好，節目梗係要靚女，無啦啦唔會擺個男仔喺度，我差好遠。」
姜濤將於7月中到台灣拍劇4個月，但他並沒有準備太多，只帶一些日用品，以及可消磨時間的電子遊戲，他說：「我準備會沉澱自己，但都會買多啲打機嘅嘢。」平時在香港出席活動，經理人花姐呵護備至，但之後就要獨立自處，他表示未試過離開香港太久，相信會掛念香港。姜濤表示在台灣最想逛當地夜巿，他笑言：「諗緊會食啲乜，不過怕肥咗冇人認到。」台灣出名多美食亦多辣妹，他笑言：「我鍾意食辣㗎，但辣妹就順其自然，怕影響其他人，有時下意識會避忌啲。」不過聽到台灣女仔會較主動，他即說：「好呀!大家冇乜所謂。」
另外，蔚雨芯最近於訪問內爆料指被女前輩欺負，她解釋早年在大陸工作時自己誤傷對方眼睛，她說：「佢唔係蝦我，係個勢好強，我心虛嘅，我篤到佢眼，佢好痛，嗰下我都擔心，佢冇鬧我，但我盡量避開佢，之後佢反而問番我自己嘅嘢，我覺得幾有趣。」被追問前輩是誰，她不斷謂不要說，但又透露：「係香港嘅專業演員，仲有拍電影，幾搞笑嘅。」林秀怡更大方承認跟男友夾錢置業，明年收樓便正式同居生活，問到疫情影響婚期？她說：「都係，人哋話靠父幹，我就靠男朋友幹，佢畀首期，之後一齊供。我本身想30歲前結婚，而家抑後，35歲前，唔好迫自己，儲錢緊要啲。」