港4小虎無懼中日韓
蘋果日報 2003/05/10 08:00
港隊為增兵源，決定補選南華守衞李志豪及陸冠邦入隊，兩人昨日即隨隊操練，並會隨大軍明日赴清遠集訓。圖為李志豪（右）在分隊賽中與隊友陳豪文鬥法。 曾雁平攝- 羅志焜（右）和利偉倫今季在晨曦打出名堂，所以被提升為大港腳。 李勇明攝
- 陳偉豪
- 羅志焜
- 盧均宜
- 利偉倫
去年釜山亞運有出色表現的陳偉豪，上月剛滿二十一歲，這名港隊中路守將表示:「我哋同中、日、韓實力有一段距離，所以今次去到橫濱都冇乜壓力。雖然係咁，但我哋一班球員操練時士氣都好好，可能大家年紀重細，今次比賽可以輸得起。至於期望，我重係想喺咁高水平嘅賽事中可以學到嘢，吸收大賽經驗。」
另一位受港隊教練黎新祥重用的羅志焜，對今次日本之行有另一番見解，現年二十二歲的他說：「以前都有去日本比賽，好似亞青、鹿兒島盃等。不過，講到鬥心，我覺得最強都係今次；可能對手真係太強，我好希望可以同南韓球員交手，特別係與同齡的李天秀，感受一吓佢超勁嘅盤球速度。」
港隊陣中年齡最細是十八歲的澎馬流浪中場盧均宜，他說：「好開心自己能夠入選，今次比賽由於我哋實力唔夠，所以只會抱學習心態。中國球員身材好、南韓球員體能佳，日本球員技術出眾，各隊有自己長處，自己落到場，只有盡力而為。」
亞運隊成員利偉倫，在足總補選球員中趕上今次「東瀛遊」的尾班機，他說：「廿二歲仔第一次去日本，好開心。其實小野伸二係我偶像，如果到時能夠落場鬥日本，完場後我一定第一時間同佢交換波衫。」