經過歇冬期後，西甲今周率先開波，球迷焦點依然係皇家馬德里，這支新鮮熱辣的世冠盃盟主，日前杜拜舉行超級友賽，雖然不敵AC米蘭，但對於銀河艦隊爭取破連勝場數世界紀錄，因為友賽唔計而冇影響。目前，皇馬仍然連勝22場，周末西甲就先鬥華倫西亞，到下周中西盃同馬德里體育會上演打吡戰，之後再喺聯賽對愛斯賓奴，贏晒三場的話，就可以破哥列迪巴24連勝世界紀錄。咁各位皇馬粉絲，不妨先喺周日坐定定，睇愛隊過唔過到頭關。