當年今日

郭秀雲灌輸兒子性知識

蘋果日報 2002/01/07 00:00


昨日「LegoDacta創意無限樂趣高」假尖沙嘴新世界中心舉行,城中名人包括劉坤銘夫婦、張堅庭夫婦、鄒世龍夫婦和郭秀雲等均有帶同子女到場。
郭秀雲透露兒子錢麒夫所讀的學校已開始教性教育,她說:「我之前都有教佢,與其個仔自己好奇,胡亂搵答案,不如做家長正確咁講解好過啦!性行為都只不過係biology(生物學)啫,就算講都好正常,應該早啲畀佢知正面嘅知識。好似我細個讀修女學校,學句粗口都唔識解,講咗之後,啲同學先話畀我聽係乜嘢意思,咁就唔係幾好啦!」

幸福非必然
此外,羅霖與夫婿劉坤銘及兩名兒子劉子榕、劉子熙,一家四口溫馨到場。談及教導兒子的方法,羅霖說:「喺求學時期,我希望佢哋可以玩多啲,用輕鬆嘅心情同開放嘅形式教佢哋。」羅霖透露兩個兒子從沒有扭計買玩具,她笑說:「由細到大我都教佢哋所有嘢都得來不易,一定要靠自己努力先可以擁有。」