美國天后級歌手瑪麗嘉兒（Mariah Carey）正忙於與Lionel Richie演出巡迴騷《All the Hits Tour》，周六佢唱到紐約一站，唔單止大隻舞蹈員男友Bryan Tanaka上台為佢伴舞，瑪麗仲帶埋一對仔女上台。

瑪麗近年惹來唔少負面批評，唔單止經常被指咪嘴hea唱，佢嘅發福身形，都成為談論目標，不過瑪麗一於少理，前日喺表演舞台依然風騷，瑪麗以性感歌衫上台獻唱，仲帶理一對孖生仔女上台，囝囝Morrocan睇落有啲緊張，反而囡囡遺傳咗媽咪嘅表演細胞，喺台上擺甫士。

月前，瑪麗同舞蹈員Bryan Tanaka一度傳分手，當時有指瑪麗已厭倦做男友提款機，但無幾耐佢哋已經喺番埋一齊，今次瑪麗仲搵埋男友一齊表演。