【積奇挑機】近排濕汗大減 孱仔馬係時候再贏
蘋果日報 2019/07/09 22:20
積奇挑戰積奇索先生
索先生上仗休後復出跑第四
今次（10日）快活谷煞科夜馬，編跑九場，採用A跑道角逐，出馬踴躍場場爆棚，大家都把握最後機會。賀賢殺得性起，今期繼續擺出強陣，可留意。
第七場三班1200米，「索先生」剛戰休後復出跑第四，體弱馬季初熱身後再戰就成功贏馬，按此攤路今鋪似樣，復課汗濕大減，賀賢近期搏馬手風順，值得睇好。
「衝亞」睇進度增程跑1200米，應該有得追，加強配搭用杜美爾，是配合羅廐出擊的訊號。
「最驫」上仗再贏，評分已飽和，但勝在演出準。「駿皇綵」無走樣，大摩戰馬可拼則拼。