導演許鞍華同白只噚晚喺中環PMQ出席分享會，同觀眾分享多年嚟電影拍攝嘅點滴，許導憶述自己係新人時，遇過有攝影師要求導演一定要安排好分鏡，否則就唔肯開機拍攝，令當時嘅佢明白到喺拍攝前一定要做好準備功夫。

分享會後許導受訪時話：「o依家時代進步，每套電影由美術指導到角色之間嘅溝通多咗好多。」會唔會多啲教吓後輩？佢話：「我要調番轉向佢哋學習先啱，o依家好多新科技我都唔識。」

講到嚟緊嘅計劃，許鞍華就話想先休息幾個月：「新戲唔想用太多製作，想用小本同新演員，最快要明年先開。」