樂基兒（Gaile）今日下晝5點幾現身中環，佢着灰色背心長裙同另一位女model坐喺餐廳門外影相，間餐廳仲畀咗兩杯白酒佢哋邊飲邊等埋位。

身為model嘅Gaile表現好專業，唔使埋位時同拍檔有傾有講，仲將頭挨向女model撒嬌。之後佢哋預備轉景時，見到有男狗主拖住四隻柴犬出現，愛狗嘅Gaile即刻上前玩狗，唔介意踎喺街，佢仲幫狗主買咗本狗書㖭。