民主黨再次面對桃色醜聞，城市大學公共及社會行政學系副教授葉健民相信，對民主黨區選選情殺傷力不大，因現距離區議會選舉尚有一段時間，加上陳家偉非全港性公眾人物，預料對民主黨選情影響輕微。
不過，民主黨內部並不樂觀，民主黨副主席單仲偕憂慮，事件定對民主黨年底選情造成負面影響。有民主黨核心成員也說，選舉對手一定藉機「翻舊賬」，「對手一定將之前民主黨何偉途、甘乃威啲桃色醜聞拉返出嚟講，講到成個民主黨好似好多人男女關係好亂咁，抹黑你成個民主黨」。且區議會選舉跟立法會選舉不同，區選十分依靠街坊支持，「呢類桃色醜聞好多街坊好反感，會覺得你成個黨都唔掂」。政治殺傷力不容忽視。
雖然陳家偉已向民主黨辭去總幹事一職及退黨，但民主黨中人認為，外界仍會將矛頭指向他們，「基本上係冇得化解同拆招，除咗道歉之外冇嘢可以做，只可以硬食」。《蘋果》記者