趙式和、李民橋夫婦、謝玲玲同女兒林愛兒，喺金鐘出席崇德社搞嘅首映活動，林愛兒代表爸爸林建岳拎大會紀念品，謝玲玲同愛兒未開場已經離開，女兒林恬兒將結婚，問謝玲玲嫁妝辦成點？佢話：「等細路仔自己講。」就做外母心情點？佢話：「好開心。」問到日子同詳情，佢未有回應，急急腳閃人。

另外，趙式和少入戲院睇戲，話因為老公鍾意睇電視，問佢想唔想港視快開台？佢話想，仲戥港視開台多波折慘。另外，對於《一代宗師》未能揚威奧斯卡，佢亦覺得少少可惜，但其實佢未有時間睇呢套戲：「忙搞展覽，同埋做成長希望基金主席，忙搞6月個晚宴，希望籌到二百萬。」