【導演着草】戲照上演員落力謝票 張繼聰︰做番演員嘅責任

蘋果日報 2018/09/08 22:30

張繼聰衛詩雅談善言劉孝偉
    張繼聰、衛詩雅（Michelle）同談善言，今晚喺旺角為電影《告別之前》謝票，電影編劇兼導演劉孝偉，涉嫌藉電影投資同演員訓練班為名，騙去逾50人共千萬巨款後「着草」，雖然導演消聲匿跡，但電影如期上映，反應仲幾好。
    今晚謝票時見戲院全場爆滿，三位演員都好感動，佢哋聲言為支持香港電影而出力，阿聰話：「反應都幾好，希望可以努力爭取到多啲院線同場次，有朋友睇到都好感動，我哋盡咗演員要盡嘅責任，太太都有嚟睇首映，佢都有睇到喊濕曬紙巾，最勁嘅聽到有人喊到成張披肩濕晒。」Michelle就話拍呢一套戲好唔容易，首映嗰日佢半個family都有嚟支持，全部家人一齊睇到喊，佢話：「爸爸都睇到喊，因為套戲令人有共鳴，覺得付出係值得。」
    提到導演唔喺度，會唔會感到遺憾？阿聰搞笑話：「我諗我哋唔係最遺憾嘅嗰啲，有朋友會更加遺憾，演員就做番演員嘅責任，大家不如多啲關心喺度嘅人啦。」問到導演人唔喺度，對大家有冇影響？片酬係咪已經收足？3個都話收足片酬，阿聰仲話好安心，佢話：「認真講，嗰啲係牽涉咗警方，我哋真係唔可以講太多，做演員嘅做完一套戲係理所當然，今次呢套戲大家都好畀心機，連小演員嘅媽媽都好畀心機湊小朋友去開工，呢啲功勞係唔可以扼殺嘅，希望多啲人支持去睇。」
    精選娛聞，喺晒《娛果》
    http://fb.com/appledailyent
    empty
    談善言、張繼聰同衛詩雅，今晚喺旺角嘅戲院謝票。
    empty
    對導演走咗佬，張繼聰話自己只理會做好演員嘅本份。
    empty
    衛詩雅嘅家人睇完套戲喊晒。
    empty
    談善言喺戲中演癌症病人。
    empty
    三位演員落力謝票。
    empty
    現場觀眾反應不俗。