今日微博就好似變成「愛國藝人揮手區」，特別係香港班星，真係好有多藝人揮手，講啲好肉麻嘅說話，但係佢哋講就咁，但就誠意就不足囉…

點解咁講？因為10個自認愛國藝人當中，9.9個都係用iPhone，好似有鍾鎮濤、譚詠麟、吳孟達、彭丹、呂頌賢、陳偉霆、翁虹、楊張新悅、譚詠麟、李克勤、莫少聰、蔡少芬、Cammi，就連有「愛國溫」之稱嘅溫兆倫，都係用iPhone。最令人諗唔到嘅係，黨媒《環球時報》，嗰位小編，都係用iPhone0架！

點解會知？因為喺微博打完一段嘢之後，微博就會註明番，你用緊邊款手機，特別係iPhone。呢班愛國藝人，連睇電視都咁感動，又唱又流淚，其實係唔係應該要用番國產電話，如小米。話晒iPhone都係外國貨，支持外國勢力就唔啱喇。

咁邊個係真正愛國呢？就係王祖藍喇，因為喺佢微博就顯示佢用紅米；仲有「空政文工團副團長」韓紅，都係愛國，都係用國產機；而林俊賢就係用Android機，不過唔知係唔係國產。