韓國「長腿Oppa」李敏鎬早前先完成同全智賢合作嘅《藍海傳說》，暫時未有新作品，不過現年29歲嘅李敏鎬今年6月就30歲，韓國規定男性要喺30歲前入伍當兵，李敏鎬鐵定今年要入伍。

李敏鎬所屬MYM事務所今日就向韓媒表示：「李敏鎬會喺今年入伍，現時尚未收到入營訓練通知書，所以仲未知確實嘅入伍日期。」李敏鎬下月18及19號喺韓國會舉行粉絲見面會，亦會進行廣告拍攝工作，有報道指粉絲見面會將會係李敏鎬入伍前最後一次官方活動，預計最快3月以公益兵入伍，最遲亦要4月。

另外，除咗李敏鎬入伍外，下周四韓國天團BIGBANG嘅T.O.P同埋JYJ嘅金俊秀都喺當日入伍。