許瑋甯同阮經天拍拖8年，唔少fans都以為佢哋好事近，點知早前忽然傳分手，更指阮經天被爆偷食強國人妻H女星，盛傳許瑋甯頂唔順男友多次偷食，先決定結束8年戀情，雖然二人分手後，一直守口如瓶，未有互罵對方(新聞連結： http://bit.ly/1i01VBj )。

不過，許瑋甯目前冇以「小天女朋友」身份闖台灣娛圈，反而努力突破自己嘅演技，唔想因為個外貌局限，而慣性演「千金小姐」嘅角色，最近佢接受雜誌專訪，終於坦言自己喺愛情中係好堅持，佢認為：「是因為骨子裡那很拗的脾氣，我就是不想服輸。」(脾氣很拗即係性情固執)!

許瑋甯面對阮經天多次偷食傳聞，一直好淡定，佢喺報道中爆，自己都有諗過戀愛耐咗都會分開，何必堅持要穩定，又何必要咁理性，但自己個性就係咁，曾經幾度想放棄，最終都係堅持。

許瑋甯又爆自己好鍾意演戲，喜歡那種不穩定嘅感覺，因為私下自己喺安全範圍中，有自己嘅框框、規則，佢喺報道中坦言：「我私底下的人生是能多安穩就多安穩，能多安全就多安全，但在演戲時候這些東西都不用了，跟著角色去冒險，享受那種不穩定，感受腎上腺素飆起來的感覺，讓我覺得刺激。」