安志杰同徐子珊今日喺尖沙嘴出席莎莎37周年活動，安志杰近日喺北京開拍《3D封神榜》，問到向太轟張栢芝拍該片時工作態度欠佳兼永不錄用，佢就回應：「我同佢冇對手戲，冇影響，自己唔八卦，唔知發生乜嘢事，但有日喺酒店大堂見到栢芝，第二日就發生單新聞。」安志杰多年前曾與栢芝合作《小白龍之情海翻波》。

至於栢芝本來喺《3D封神榜》中反串演哪吒，傳會再洽談內地演員文章嚟演，安志杰就表示唔清楚。之後佢透露女友JessicaC.上月喺北京工作，大家可以間中見面，好友謝霆鋒再次蜜運，佢就笑言：「知佢拍拖，但未見過，我哋有網上打機gamechat。」