韓國男團Super Junior嘅隊長利特，近日去咗瑞士拍攝綜藝節目《快遞來了》，點知佢今日就唔好彩遇上賊仔。

利特今日喺Instagram上載三張相，當中佢留言話：「本來要返韓國，點知工作人員嘅手機護照全部都唔見晒，0依家通過Ig聯絡韓國嘅製作組，返嚟馬上進行拍攝可能會有啲困難，護照都被偷，會盡快回去。」只見照片中可見車子嘅玻璃全部被打爛，似乎賊仔當街打碎佢哋啲玻璃偷嘢，利特只透露係工作人員受損失，未有透露自己有冇都被偷嘢？