香港舖租出名高昂，國際測量師行Cushman&Wakefield啱啱公佈嘅商舖市道報告指，銅鑼灣舖租僅次於美國紐約第五街，係全球第二零售舖租最高。根據呢份報告，銅鑼灣舖租每方呎租金要成1,213美元，即係近9,500港元，比起排第三嘅法國巴黎香榭麗舍大道嘅920美元，即係近7,200港元貴足一條街。至於全球最貴舖租嘅美國紐約第五街，每平方呎要成1,500美元，即係11,700港元。呢三條貴價街道所以身價飆升，主要係受惠全球財富效應同具閒資消費人士消費積極所致。