有港台中人話,高層冇講明發生乜事,小道消息流傳,有人思疑同上星期日播出嘅《鏗鏘集》有關。嗰集以〈電視已死?〉為題,探討本地免費電視發展問題,受訪者對一台獨大、扼殺創意,十年如一日攝製師奶電視劇好有意見;由於《鏗鏘集》喺無綫翡翠台出街,有人話咁搞法TVB高層唔嬲到出煙就奇,既然你做初一,莫怪我做十五,繼續借新聞片畀你?Noway啦。
TVB係名副其實大台,會唔會咁小器呀!有人同八方講,家陣《頭條新聞》、《議事論事》喺亞視播出,TVB唔想自己啲新聞片喺對家播出係可以理解,話唔定事過境遷,日後呢兩個節目喺番TVB出街,又冇事呢!